State level Kala Utsav buatsaih a ni

Samagra Shiksha, Mizoram chuan nimin khan Chanmari YMA Hall-ah state level Kala Utsav 2025 an buatsaih a, Mizo hnam lam, zai leh thil dangte hmangin zirlaite an intihsiak. National level Kala Utsav-a tel turte puan nghal a ni.

Nimina Kala Utsav buatsaih hi Samagra Shiksha deputy state project director VL Malsawma'n a kaihruai a, deputy state project director C Chawngthantluanga'n report a pe. Endiktua ruatte'n National Kala Utsav-a tel turte insiamṭhatna tur leh fuihna thu an sawi bawk.

Kala Utsav hi kum 2015 aṭangin sorkar laipuia Ministry of Education-in a buatsaih a, chhâwng thumin zirlaite an intihsiak ṭhin. District level Kala Utsav neih hmasak ber niin, chuta ti ṭhate chu state level Kala Utsav-ah an tel a; state level-a ti ṭhate chu national level Kala Utsav-ah an intihsiak leh ṭhin a ni.

National level Kala Utsav-ah Mizoram chuan lawmman chi hrang hrang, pakhatna aṭanga pathumna te a lo dawng tawh a ni.

NATIONAL KALA UTSAV-A MIZORAM AIAWH TURTE
1. Vocal Music Solo Classical/Semi Classical - Chaltlang H/S
2. Vocal Music Group Patriotic - Baptist HSS, Lunglei
3. Instrumental Music Solo Melodic - Mizo HSS, Aizawl
4. Instrumental Music Solo Percussion - Electric H/S, Lunglei
5. Instrumental Music Group Folk - Chaltlang H/S
6. Dance Solo Classical - Gorkha H/S, Aizawl
7. Dance Group Regional Folk/Tribal - Lunglei Zotlang H/S
8. Theatre - Khawpuar Secondary School
9. Traditional Storytelling Group - Sialsuk HSS
10. Visual Arts Solo 2-Dimensional - Mizo HSS, Aizawl
11. Visual Arts Solo 3-Dimensional - Leitlangpui H/S, Lunglei
12. Visual Arts Group Local Craft - H Rotluanga Mem. H/S, Lamchhip