Para legal voluteer-te tan training

Mizoram State Legal Services Authority leh Migration & Asylum Project, New Delhi ṭang dun chuan nimin khan Gauhati High Court, Aizawl Bench conference hall-ah Mizorama para legal voluteer-te pualin training an buatsaih a, Gauhati High Court judge pahnih - Justice Nelson Sailo leh Justice Marli Vankung ten an hmanpui.

Khuallian Justice Nelson Sailo chuan, Legal Services Authority hnathawhte leh a pawimawhna te, scheme hrang hrangte leh mipui tan a pawimawhnate a sawi a; training chu legal volunteer-te'n an hlâwkpui ngei a beisei thu sawiin, an thiamna leh theihna te Mizoram mipui tan hmang zel turin a fuih.

Justice Marli Vankung pawhin thu sawiin, para legal volunteer-te chu ukil ràwn tur awm mai lohna hmunah mipui tan an ṭangkai lehzual tih a sawi a; para legal volunteer kalpui ṭan a nih aṭanga tun thlengin volunteer-te'n harsatna tawk mipuite an ṭanpui tawh thu thu a sawi bawk.