KHAWTHLIR

MBSE counseling

Mizoram Board of School Education chuan UPSC Grooming Scheme Entrance Examination, 2025 an buatsaiha ti ṭhazual zirlai 10-te chu nimin khan MBSE conference hall-ah counseling an neihpui a; Civil Service Examination-a tawnhriat nei ṭha mithiamte'n an tawnhriat te, civil service kalphung leh exam hmachhawn tura inbuatsaih dante an hrilh a ni.

Loneitute zirtir

KVK, Khawzawl leh HIL (India) Limited, New Delhi ṭang dun chuan nimin khan Tualpui khuaah 'Safe and judicious use of pesticides & promotion of Integrated Pest Management (IPM) practices & promoting eco-friendly crop protection solutions to reduce HHPs' tih thupui hmangin loneitute tan training an buatsaih. Loneitu kal khawmte hnenah safety kit sem nghal a ni.

RTI Week hmang

Mamit district bawrhsap K Laltlawmlova hoin nimin khan DC conference hall-ah Right to Information (RTI) Week 2025 hman a ni. Bawrhsap chuan, SPIO-te chu RTI zawhna an dawnte enliam mai lo turin a chah. Treasury officer Jenny Thanhlupuii leh IPRO Biaknungi ten RTI Act, 2005 chungchang an sawifiah a ni.