MoS Chhanzova kutah IPRPS dah

Information, Public Relations, Printing & Stationery department chu minister of state B Lalchhanzova enkawl tura dah a ni. Hemi chungchangah hian Mizoram chief secretary Khili Ram Meena chuan nimin khan hriattirna (Notification) a tichhuak.

B Lalchhanzova hi IPRPS department pek belh a nih bakah hian, a enkawl lai Land Revenue & Settlement leh Food, Civil Supplies & Consumer Affairs department a enkawl zui zel dawn a ni.

IPRPS department hi ZPM kaihhruai sorkar a din tirh aṭangin minister Dr Vanlalthlana enkawl a ni a; ani hian IPRPS a enkawl dawn tak lohah chuan a enkawl lai pangngai - School Education department, Higher & Technical Education department leh Information & Communication Techno-logy department te a enkawl zui dawn a; Finance department hnuaia dah tâk Taxation bikah CM a pui bawk ang.