PWD Minister-in kawng a enfiah

Public Works depart-ment (PWD) minister Vanlalhlana chuan nimin khan hmar tlangdung kawng a fang kual a; Khawruhlian khaw hnuaia National Highway-02 chu lirthei tlân theiha siamṭhat a ni tawh.

PWD Minister hian Khawruhlian khaw bula NH-02 kawngpui tlabal chu a tlawh a; kawng hi kumin July leh September thla khan metre 50 vela zauin hmun hnihah a tlabal a ni. PWD-in thawm ṭhat lailawk hna an thawk mek a, lirthei tlan tlang theiha siam a ni tawh. Kawngpui thawm ṭhatna atan September 9, 2025 khan Ministry of Road Transport & Highways-ah special repair estimate cheng nuai 265 thawn a ni tawh bawk tih sorkar thuchhuahin a tarlang.

Minister Vanlalhlana hian Mauchar, Serkhan leh Bagha inkar kawng leh, Sihphir leh Durtlang inkar kawng pawh a tlawh a; PWD engineer-in-chief Zoramliana leh hotu dangte'n an ṭawiawm a ni.