Hawla'n a mawng a hlîm: MPC ṭhalai

MPC ṭhalaite chuan thu-chhuah siamin, November 16, 2016-a New Secretariat Complex-a Power & Elec-tricity pisa thar hawnnaa chief minister Lal Than-hawla’n 'Contract hralh chíngte ram leh hnam hmel-ma' tia a sawi chu amá mawng a hlimna chiang taka an ngaih thu an tarlang.

MPCY chuan, Mizorama sorkarna chelhtu chu Congress party an ni a, contract hna tam tak dawngtute pawh Congress party mi leh sate an nih thu sawiin, "Contract hna hmuh hralh chíngtute pawh Pu Lal Thanhawla mi leh sate an ni a, hei hian Congress party chu Zoram sawp chhetu, ram leh hnam hmelma dik tak an ni tih a tichiang hle a ni," an ti.

Aizawl Municipal Cor-poration (AMC)-a contract hna siamtu leh petu leh dawngtute pawh sorkarna chelh mektu MNF party-te an ni tih sawiin, MPCY chuan, "Aizawl khawpui veng hrang hranga an hna thawhte belhchian a dâwl loin, kumpui lingleta rinrâwl tlak khawpa hna ṭha hmuh tur a lawi a awm lo hi a lungchhiatthlak kan ti tak zet," an ti a; ram hmasawnna buaipui bertu MPC party-in sorkarna fawng an chelh hunah chuan Lal Thanhawla leh Zoramthanga hnûhma chhia ang a bo tawh dawn niin an sawi bawk.