School Education leh DDK-in MoA ziak

School Education department leh Doordarshan Kendra (DDK), Aizawl chuan, nimin khan School Education directorate conference hall-ah zirna tihhmasawn nan leh School Education department hnathawhte mipui hriata puanzarna atan thawh dunna thu-thlung, Memorandum of Agreement an ziak.

MoA ziah puala in-khawm buatsaihah School Education minister H Rohluna chuan, thawh dunna thuthlung ziah thar leh chuan hun kal leh zel turah zirna chauh ni lo, Mizoram tan kawng hrang hranga hmasawnna a thlen ngei a beisei thu a sawi.

School Education department leh DDK hian July 17, 2015 khan kum khat atan MoA an lo ziak tawh a, tun ṭumah hian kum khat dang atan thawh dunna thuthlung an ziak leh a ni.

Thawh dunna thu-thlung hnuaiah hian chawlh-kar tin Ningani tlai dar 6:00-6:30 inkar chhungin DDK, Aizawl-in Educational Television Programme an ti chhuak
ṭhin dawn a ni.