Zirna lama hmasawnna tur sawiho

Lawngtlai District Institute of Education and Training (DIET) chuan, nimin khan Lawngtlai DC conference hall-ah an district chhunga zir-na leh thiamna lama hmasawnna tura hmalak dan tur zirhona, 'Seminar on Challenges in Education & Literacy for Lawngtlai District' an buatsaih a, Lawngtlai DC Dr A Muthamma-a'n a hmanpui.

Lawngtlai DC chuan, state sorkar leh district council sorkar official-te Lawngtlai dis-trict hma-sawnna tur ngaih-tuaha hmun khata an kal khawm chu lawmawm a tih a nih thu a sawi a, "District chhunga zirna kawnga harsatna hrang hrang awmte sukiang turin theihtawp chhuaha ṭanho a ṭul. Naupang sikul kal lo leh sikul chawlhsan tihniam tur leh sikul kaltir leh tura hmalak hi tih tur pawi-mawh hmasa a ni," a ti.

DIET principal Ngur Hming Liani Chinzah chuan, zirna lama Lawng-tlai district-in hma a sawn theihna tur ngaihtuah chu seminar-in a tum ber a nih thu a sawi a; seminar aṭanga hmalak ngaihna lai sawi lante chu a taka a hlawhtlin theih nan bawhzui nghal zel a nih tur thu a sawi bawk.

Seminar-ah hian Mizoram sorkar, LADC leh CADC-a zirna lama dinhmun pawimawh tak tak chelhtute an tel a, mithiam hrang hrangte paper buatsaih zirho a ni.