AMC-ah a tam thei ang lâk kan tum - Mizoram BJP President

BJP, Mizoram Pradesh chuan nimin khan an pisaah Trainers' Training an buatsaih a; an president Vanlalhmuaka chuan, AMC inthlanah BJP-in seat a tam thei ang ber lâk an tum thu sawiin, chumi tur chuan theihtawp chhuah turin an mite a sáwm.

Vanlalhmuaka chuan, Covid-19 hripui léng avangin duh angin hma an la thei lo tih sawiin, "Kum tharah hian political party-te'na kan din chhan, AMC election kan hmachhawn dawn avangin BJP member, a bikin Aizawl khaw chhunga mite chuan rilru thar nen tha tharin AMC-ah BJP-in a tam thei ang ber seat kan lâk theihna turin theihtawp chhuah turin ka sáwm che u a ni," a ti.

Inkhawmah hian Nagaland sorkara cabinet minister leh Nagaland BJP president Temjen Imna Along leh Arunachal Pradesh BJP-a hruaitu Manash Deka ten thu an sawi bawk.