PUC-in NSS Award an dawng

21st November, 2016

Pachhunga University College (PUC) chuan Inrinni khan Indira Gandhi NSS Award 2015-16 a dawng a; PUC-a zirtirtu leh zirlai pakhat ve vein NSS Award dang an dawng bawk.

NSS Award hlanna inkhawm hi November 19, 2016 khan Rastra-pati Bhavan-ah neih a ni a, President Pranab Mukherjee-a'n a dawngtu-te hnenah a hlan. PUC chuan NSS Unit Award a dawng a, PUC principal Dr Tawnenga'n President hnen aṭangin a dawng. Award hian trophy leh Rs. 1,00,000 a keng.

PUC-a NSS liaison officer Dr Zoramdinthara Khiangte chuan NSS Liaison Officer Award a dawng a, award hian thuchei leh Rs. 70,000 a keng. PUC-a zirlai, Chawng-hlunchhungi'n NSS Volunteer Award a dawng bawk a, award hian thuchei leh Rs. 50,000 a keng. Chawnghlun-chhungi hi India hmarchhak state aṭanga hetiang award dawng hmasa ber a nih thu an sawi.