Naisingpara-ah Bru enfiah

Tripura-a Mizoram Bru rlantlante hruai kirna tura enfiah hna chu Inrinni khan Bru relief camp paruk zinga lian ber, Naisingpara camp-ah an nei a ni a, vawiinah chhunzawm leh a ni ang. Naisingpara-ah hian Inrinni tlai thleng Mizoram mi chhungkaw 2,109-a mi 12,684 enfiah an ni tawh.

Thu dawn danin, Nai­sing­para-ah hian Inrinni bikah chuan Mamit district aṭangin chhungkaw 485 endik an ni a, puitling 2,077 leh naupang 912, an vaiin mi989 an ni. Kolasib district-a awm tur chhung­kaw paruka puitling 27 leh naupang 12, mi 39 enfiah an ni a; Lunglei district mi chhungkaw pakhata puitling pakhat leh naupang panga, mi paruk enfiah an ni bawk.

Naisingpara-ah hian la enfiah zawh loh chhung­kaw eng emaw zat an la awm a, Naisingpara bika awmte chu vawiin leh naktukah an enfiah zawh theih an beisei thu an sawi.

Inrinnia enfiahnaah hian Tripura sorkar aṭangin deputy collector Amises Deb Barma, officer dangte leh police-te an tel a ni.