Lem inziahsiaka tiṭhate lawmman hlan

Information & Public Relations department leh Mizoram Art Develop-ment Society (MADS)-te chuan, Inrinni khan Annual Art Exhibition khârna leh high school leh middle school tana 'On The Spot Painting Competition' an buatsaiha tiṭhate hnenah lawmman an sem a, minister Lalsawta'n a hmanpui.

Lalsawta chuan, khaw---vela civilisation hrang hrangte changkan dan teh nan art lama an hmasawnna chu tehfung pawimawh tak pakhat a nih thu a sawi a, "Lemziak mawi tak chuan kan hriat ve loh hun leh hmunahte a taka awm ve ang maiin kan rilru a kaihruai thei a, chumi atana pawimawh ber chu ngaihtuahna ṭha a ni," a ti.

Mizoramin ram dang angin industry lamah chak taka hmasawn turin leilung hausakna tam tak nei ve lo mah se, khaw-vel hmun khawiah pawh chhawr ṭangkai theih mihring thiamna leh theihna a awm thu sawiin, "Hei hi ṭangkaina belhchhah turin zirna hrang hrang hmangin hma a lak theih a ni," a ti a; painting competition-a tel zawng zawngte chu an theihna leh thiamnate tipung zel turin a chah.

On The Spot Painting Competition-ah hian high school section-ah zirlai 25 leh middle school sec-tion-ah zirlai 39 an tel a; certificate bakah pakhatnain Rs. 5,000, pahnihnain Rs. 3,000 leh pathumnain Rs. 2,000 an dawng a ni.