SSA-a thawkte'n hlawh la ṭha lo

Mizoram SSA hnuaia thawkte'n kuminah hlawh an la ṭha lo hle a, tun dinhmunah thla li hlawh an la tawh lo a, an hlawh lak hnuhnun ber chu kumin June thla hlawh a ni.

Thu dawn danin, SSA-a thawkte hian January-March hlawh chu April-ah an la a, April-May hlawh chu July-ah la lehin, October thlaah June thla hlawh an la leh a ni. Tunah hian thla li hlawh an la lo mek.

Mizoram hmun hrang hranga sikul 499-ah zirtirtu 2,500 vel SSA hnuaiah hian an thawk mek a, SSA zirtirtute hlawh hi sorkar laipuiin 90% leh state-in 10% a tum a ni.