MNF leh MPF hruaitute'n Rorelna ṭha an sawiho

Mizoram People’s Forum (MPF) leh Mizo National Front (MNF) hruaitute chuan nimin khan Mizo Hnam Runah 'Rorelna Ṭha' chungchang an sawiho.

Inkawmna hun hi MNF treasurer Vanlal-zawma'n kaihruaiin, MPF aṭangin gen. secretary Dr. R Lalbiakmawia, jt. secy. Rev. Lallawmsanga, governing board member Rev. Lalrinmawia leh resourse person Dr. Lal-thlamuana te an tel.

MPF hruaitute chuan, sorkar ṭha nei tur-in inlung-rualna ṭha leh thawhhona ṭha neih te; sorkar rintlak, belhchian dawl leh mawhphurhna la ngam hruaitu neihte leh ram kaihruai turin mi hming-
ṭha leh ei rukna laka mi fihlim, ruihtheih thil, mipat hmeichhiatna laka fihlim, mipui mamawh a hun taka pe thei leh dan hmanga dik taka thil ti ngam an awm a ṭul tih an sawi

MNF president Zoramthanga pawhin thu sawiin, sorkar aṭanga sum lokal ringawta mipui an innghah chuan eirukna a awm duh thu sawiin, "Sorkarna kan chan chuan mipuiin sum an thawh chhuah tam theih dan tur leh, chu mia innghat thei tura hmalak a ni ang," a ti.

Mizoram chaw leh ei bara intodelh thei tura hmalak anih tur thu sawiin MNF President chuan, "Kristian ram leh society ṭha siam thei turin ruihhlo leh zu khap bur a ni ang," a ti a, zu leh ruihhlo ngaite chhanchhuahna lian tham sorkar, kohhran leh society-te ṭangruala buatsaih anih tur thu a sawi.