Pawisa note a thlen belh

Mizoramah Rs. 100 note hlir Rs. 9,00,00,000 a rawn thlen belh a, mahse, he thu ziah lai thleng hi chuan bank hrang hrangah sem darh a la ni lo.

Thu dawn danin, Rs. 100 note hi rawn thlen belh mah se, Reserve Bank of India chuan sem darh a la remti lo a, bank hrang hranga sem darh dan tur rel fel a nih veleh sem tur a ni.

State Bank of India (SBI) hotute chuan, tun dinhmunah pawisa note tihthih vanga harsatnain ziaawm lam a pan zel thu an sawi a, "Rs. 500 rawn thlen hun tur chu kan la sawi thei lo a, a rawn thlen chuan harsatna a reh theih kan ring," an ti.

SBI hotute sawi danin, ABI ATM booth zawng zawng deuhthaw hman theih a ni tawh a, pawisa nawi a zawh chak avangin Rs. 2,000 tlang bak a awm rei thei lo.

Vanglaini palaiin nimina bank leh ATM booth hrang hrang a tlawh lai pawhin, pawisa note tihthih ṭan tirh ai chuan bank dawrtu leh ATM kawta intlar an tlem tawh hle a ni.