KHAWTHLIR

MJA charity

Mizoram Journalist Association (MJA) chuan thuchhuah siamin, kum danga an ti ṭhin angin MJA Charity Fund atan Aizawl Press Club-ah bawm dawh a ni leh dawn thu tarlangin, "November 21 aṭanga December 17, 2016 thlengin charity fund-ah hian theih ang tawk tawk MJA member chauh ni lo a duh apiang tan thlak theih a ni ang," an ti.

Lengkhawm zai

Art & Culture department leh MZP chuan vawiin hian Vanapa Hall-ah lengkhawm zai intihsiak an buatsaih dawn. Intihsiak hi chawhma dar 11-ah ṭan a ni dawn a, Aizawl khawpui chhunga MUP unit thiam thlan chhuah 13 an zai ang. MUP chuan a duh apiang chhim theih a nih thu an tarlang.

Champha lawm

Meizûk sim hnua vaihlo dona kawnga hma latu pawl, Tobacco Quitters of Mizoram (TQM)
chuan nimin khan Aizawl Press Club-ah an pawl din champha vawi thumna an lawm a, Health minister Lal Thanzara'n a hmanpui.

Sava veh khap

Serchhip DC chuan thupek chhuahin, tunlaiin Serchhip district chhung­ah sava leh ramsa veh a, kah chíng an awm tih hriat a nih thu a tarlang a, "The Indian Wildlife (Protection) Act, 1972 (Amendment upto 1993) Chapter III Section 9 chuan sava leh ramsate veh a, tihhlum hi a khap tlat a, sava leh ramsate veha tihhlum phal loh a ni," a ti a; thupek awih lote chu an chungah dan anga hrem an nih tur thu a tarlang.

Kuthnathawkte zirtir

Lawngtlai Agriculture Circle chuan, nimin Upper Saikah-ah kut­hnathawktute tan ‘Crop­ping System Based Train­ing’ an buatsaih a, bialtu MDC H Chhuanawma’n a hmanpui. Training-ah hian Rainfed Area Development Programme hnuaia mi 10 hnenah ar note 30 theuh pek an ni a, a ti
ṭha zualte chu la pek belh leh tur an ni.