Lirtheia chetsualna vanga MACT-a Insurance claim mi 64 an awm tawh

Motor Accidents Claims Tribunal (MACT) chuan kumin chhungin thu ngaihtuah tur 71 an dawng tawh a, kumin chhung vekin case 88 an chingfel tawh.

MACT hotute hnen aṭanga thu dawn danin, MACT-ah hian lirthei chetsualna vanga nunna chán leh hliamte'n insurance an dil (claim)
ṭhin. Document pawi-mawh hrang hrangte endik a nih hnuah pawisa hmu tura tih an nih chuan insurance company hnenah thlenin, insurance company-in MACT hnenah pawisa an pe a, MACT-in a dawngtu turte an pe chhawng leh
ṭhin a ni.

Insurance a fel loh chuan lirthei neitu mawh-phurhna a ni thung a; insurance tifel lo lirthei neitute chu an lirthei vanga nunna chán emaw, hliam emawte hnena pawisa pek tura tih an nih chuan instalment-a pektir an ni ṭhin.

Pawisa pek zat a inang lo a, nunna chan emaw hliam tuarte thla khat lak luh leh an kum zat aṭanga chhût a ni a; Rs. 1,00,000 tling lo leh Rs. 25,00,000 thlenga pekte pawh an awm. Hliam emaw nunna chánin sum lak luhna a nei lo a nih chuan, thla khatah Rs. 3,000 hlawh anga chhûtsak an ni.

Zawhna chhangin MACT hotute chuan, "Insurance company zingah pawisa rawn dah duh lawk lote an awm ṭhin a, execution file nawn a nih hnua rawn dah chauhte an awm
ṭhin," an ti a; document hrang hrangte a felfai a nih chuan insurance diltute dilna chu hnâwl a awm ngai loh thu an sawi.

Insurance claim leh chinfel

Thla Claim Chinfel

January 2 6

February 8 8

March 8 5

April 7 6

May 5 6

June 4 16

July 13 8

August 5 1

September 9 9

October 3 9

November 7 14

(Nimin thleng)