Sorkar chahbi kawltu kan ni - Duhoma

ZNP president Lalduhoma chuan nimin khan an party pisaa inkhawm-ah thu a sawi a, ZNP chu sorkar chahbi bawltu an nih thu a sawi.

Lalduhoma chuan, kum 2018-a Mizoram inthlanpui awm turah ZNP policy ṭha titute chu chirhdiaka táng mekte hnukchhuak tura nawrchhuahpui turin mipui a sáwm a, “Sorkar kal tawh leh kan hrawn mek hi kan ning tak tak a nih a, kalphung thar kan duh tak zet a nih chuan a chahbi kawltu chu ZNP hi a ni,” a ti.

Sorkar laipuia BJP kaihhruai sorkar-in BJP hruaitu Atal Bihari Vajpayee pian champha puala 'Good Governance Day' a puang chu an duh loh thu sawiin, "Krismas ni pawimawh kan neih ni ber khera sorkar laipuiin Good Governance Day min puan hnan hi ṭha kan ti lo hle. Mizoram Kristian state bikah phei chuan Central sorkar hian ni dang hman min phalsak turin kan duh a ni,” a ti a; Kristiante ni pawimawh tibuai lo turin an ngen tih a sawi.

ZNP thuchhuah chuan, tun hnaia an party-in Vangpui Operation an neih-ah Lengteng biala khaw hrang hrang
aṭangin an President-in ZNP zawm thar voter 229 a lâwm lut niin a tarlang.