Serchhipa parking fee lak dan tur rel

Serchhip DC Dr Lalrozama hoin nimin khan a pisaah sorkar official leh village council aiawhte an ṭhukhawm a, Serchhip khaw chhung hmun thlan bika parking fee khawn dan tur leh lirthei kawng dunga zan riah chíngte chunga hmalak dan tur an rêl.

Dr Lalrozama chuan, "State Transport Authority-in ruahmanna a siam angin Serchhipa hmun thlan bikah parking fee lak ṭan thuai a ni dawn. Serchhip hi khawpui
ṭhang chak leh lirthei pung chak tak a nih avang-in lirthei chung-changa inrêlbâwlna fel leh mumal zawk a awm theih nan hei hi kan mamawh hle a ni," a ti.

Parking fee la turin STA pawmpui rua-hmanna a awm tawh thu sawiin Serchhip DC chuan, "Thil ṭhenkhat han tihdanglam hlek ngai tlem azáwng a awm nia kan hriat avang-in ennawn leh a, STA lam dawr nawn leh ṭul
kan ti a ni," a ti a; hun rei lo têah parking fee khawn theih a nih tur thu a sawi.

Serchhip DC chuan, kawngpui dunga zana lirthei riah chíng te, mahni garrage ang maia kawngpui hmang ṭhin te, vantlang kawngpui pawimawh laia rei tak tak lirthei chhia dah
ṭhinte chungah pawh khapna leh a ṭul anga inchawitir thlenga hmalaknate a awm thuai tur thu a sawi a; lirthei neitute chu lirthei dahna mumal tak nei thuai turin a chah.

Meeting-ah hian Police, Traffic Police, Transport department leh village council aiawhte an tel a ni.