IMC 2025-ah ICT Minister a tel

October 8, Ningani khan India Mobile Congress (IMC) 2025 chu New Delhi-a Yashobhoomi Convention Centre-ah prime minister Narendra Modi-a'n a hawng a, Mizoram aṭangin ICT minister Dr Vanlalthlana a tel a, State IT Ministers' Round table-ah a tel nghal bawk.

IT Ministers Round table-ah hian Dr Vanlalthlana chuan, Mizoramin state a nih aṭanga state upa zawkte ûm phâk tumin ṭan a lak nasat thu sawiin, "IT kaihhnawiha Mizoram sorkarin theihtawpin hma a la a, Opticals Ground Wire (OPWG) tihchangtlun a, internet data chak zawk neih a ni," a ti.

Dr Vanlalthlana chuan, Mizoram hmun tina 4G connection thlentir tura state sorkar hmalakna leh Bharat 3.0 hmalaknaa khaw kilkhawr ber thlenga internet connection pek tuma hmalakna kalpui dante a sawi a; mipuiin state sorkar hmalakna an hman ṭangkai theih nana IT lamah hmasawn a ṭul thu sawiin, "Zirna leh IT thlun zawm a ṭul," a ti a, IT hmasawnna atan hian sorkar laipui nen ṭha taka kan thawhho a ngaih thu a sawi.

IMC 2025 hi October 8-11, 2025 chhung neih tur a ni a; ICT Minister hi principal informatics officer Vanlalringa'n a ṭawiawm a ni.