Sorkarin khuh damdawi 3 a khap

Mizoram sorkara Controlling & Licensing Authority, Food & Drug Administration joint director F Lalliantluanga chuan, tun laia India ram hmun hrang hranga khuh damdawi vanga harsatna thleng kaihhnawihah khuh damdawi pathum khapna a tichhuak. Mizorama khuh damdawi khapte chu - Coldrif syrup, Respifresh TR leh Relife te a ni.

F Lalliantluanga chuan, Coldrif syrup, Respifresh TR leh Relife te chu mihring tana hlauhawm diethyline glycol (DEG) pai (contaminate) a ni tih Madhya Pradesh State FDA report aṭanga hriat a nih thu a tarlang a, "Coldrif syrup phei chu naupang eng emaw zatin an thihpui tih finfiah a ni. Heng damdawite hi Mizorama lak luh leh hralh khap tlat a ni. Damdawi zuar zingah kawl an awm chuan thuneitute hnenah rang taka hriattir tur a ni a, doctor-te pawh heng damdawite hi damlote chawh lo tura ngen an ni," a ti.