Vengthlang Mastermind buatsaih

Champhai Vengthlang Branch YMA hnuaia Education and Human Resources Development Committee chuan nimin khan Champhai leh a chhehvela zirlaite tan intihsiakna, Vengthlang Mastermind vawi 4-na an buatsaih.

Vengthlang Mastermind-ah hian exam centre pathumah exam buatsaih a ni a; primary school zirlai 115, middle school zirlai 346, high school zirlai 106, higher secondary school zirlai 70 an tel a, open category-ah zirlai 14 an tel bawk. Zawhnate chu multiple choice-a siam niin, optical mark reader (OMR) sheet hmanga chhantir an ni.

Vengthlang Mastermind hi zirlaite competitive exam hmelhriattir nan leh inbuatsaih an thiam theihna tura buatsaih ṭhin a ni.