Zangnadawmna atan inremna ziak

National Highway-02 laih meka zangnadawmna (compensation) pek chungchangah nimin khan Lawngtlai district bawrhsap Donny Lalruatsanga chuan NHIDCL leh ABCI hotute leh ram neitu pakhat chu a pisaah koin, inremna a ziahpui.

Donny Lalruatsanga chuan, kum 5 lai hna thawh theih loha a awm hnuah inremna a awm thei ta chu chhinchhiah tlak a nih thu a sawi a; inremna a awm tawh avangin NHIDCL leh ABCI hotute chu chak taka hna thawk chhunzawm turin a chah.

Inremnaah hian NHIDCL leh ABCI te hian Pi Awngi Tuikhur leh 3rd IR Battalion inkar NH-02 kawngpui sira metre 390-a thui ram neitu R Lallianbuka, Thingkah hnenah cheque-in zangnadawmna Rs 11,90,648 an hlan a ni.