Champhaiah State Handloom Expo ṭan

Mizoram Handloom and Handicrafts Deve-lopment Corporation (ZOHANDCO) buatsaih nimin khan Champhai Bethel Veng community hall-ah State Handloom Expo an buatsaih ṭan a, minister Lalthansanga'n a hawng.

State Handloom Expo-ah hian stall 60 siam niin, Mizo thuam chi hrang hrang pho chhuah a ni a, October 25, 2025 thleng buatsaih a ni ang.

Lalthansanga chuan, kut themthiamnain ram sum leh pai (economy) a chawi kâng thei tih a sawi a, "Handloom-ah hian theihna nasa tak kan nei tih hriain khawvel mithmuha puantah leh thiamhnang deh hmanga kan inpho chhuah theih nan sorkarin hma a la mek. Mizoram traditional dress-te hi hnam dangin min hlutpui a, kan chawi nun zel a ṭul," a ti.

Kut themthiamna hmanga eizawngtute chu mahni kutkea ding a, mahni inpuih hmasak tum turia chahin Minister chuan, "Kuthnu mâm leh pawr lo, belhchian dâwl nei turin ṭang thar u la, tuna in thlen chinah hian lungawi mai loin, mi dangte aia ṭha bik ni thei turin ngaihtuahna seng rawh u," a ti a; dàwr nuam leh hawihhâwm tak nih tum turin a chah.

Handloom Expo hawnnaah hian ZOHANDCO chairman JK Dawngzuala pawhin thu a sawi a ni.