KHAWTHLIR
KṬP-in thisen pe
KṬP, Dawrpui Vengthar Branch chuan October 11, Inrinni khan an kohhran hall-ah Synod Hospital tan thisen unit 36 an pe a, petute mipa 35 leh hmeichhia pakhat an ni.
EFCI KṬP-te'n Conference hmang
Evangelical Free Church of India (EFCI) kohhrana Mizoram Region huam chhunga Kristian Ṭhalai Pawl-te'n presbytery pali-ah October 10, 2025 aṭang khan annual conference an hmang ṭan a, nizan khan a ṭiak. Conference hi Aizawl Presbytery-in Zemabawkah, Kolasib Presbytery-in Saipumah, Khawlian Presbytery-in Lâmherhah leh, Sakawrdai Presbytery-in Maucharah an hmang a ni.
HHS & Study Centre
October 11, Inrinni khan Siaha Bazara HC Rotha building-ah Health and Hope Society & Study Centre hawn a ni a, tláwm zawka mipuiin an hman tur ambulance tlangzarh a ni. Ambulance hi nau pai leh naupangte tan Siaha khawpui chhungah a thlawna hman theih a ni a, mi dang tan Rs 200 a ni ang.
Heroin man
Champhai police-te chuan nimin zing khan Chhungte dáiah scooter pakhat aṭangin heroin (no. 4) kg. 1.627 an man a; a neitua puh Lalvulmawia (42), Letpanchawng, Myanmar, Zokhawthara chêng mek nia inchhál leh Lalruatsuma (34), Khawthlir, Myanmar nia inchhál an man nghal bawk. Champhai Police Station-ah NDPS Act leh Foreigners Act tlawhchhanin thubuai ziah luh a ni.