Education Minister-in sikul a tlawh

Education minister Dr Vanlalthlana chuan October 11, Inrinni khan Rawpui khuaa zirna-in pathum a tlawh a, zirtirtute leh khawtlang hruaitute nen an inkawm.

Rawpui HS (GIA) tlawh hmasain Education Minister chuan, he sikul enkawlna kawnga khawtlangin theihtawp a lo chhuah tawh ṭhin naaah lawmthu sawiin, kawng awm anga anga theihtawp chhuah pui zel a duh thu a sawi.

Dr Vanlalthlana hian Govt Rawpui PS-in zirlai naupangte infiamna tualzawl PCC flooring an mamawh chungchangah VC-in tha thawhin, a siamna tur tumsak an inhuam thu an sawi bawk. Govt. Rawpui MS-ah hian zirtirtute nen inkawmin, zirtirtuten an harsatna leh mamawhte an lo thlen a, department official-te nen uluk taka an lo ngaihtuah zui tur thu a sawi bawk.