Zonuama AMC Eco-Park hawng

Aizawl Municipal Corporation (AMC)-in Zonuam venga AMC Eco-Park an siam chu October 10, 2025 khan Aizawl mayor Lalrinenga Sailo-in a hawng.

Aizawl Mayor chuan, AMC Eco-Park chu mipui tan hahchawlhna leh intihthawvenna hmun remchang leh nuam tak tur a nih thu a sawi a, "Cottage nuam tak tak panga a awm a, hengte hi man tlâwm têa hman theih a ni," a ti. Eco-Park enkawl tur hian BizHub Solutions thlan a ni a; hmunhmate ṭha tak leh khawtlang hruaitute nen inhne rem taka enkawl turin Mayor chuan a chah.

AMC Eco-Park hawnnaah hian Aizawl deputy mayor R Thanglura, municipal commissioner Joseph H Lalramsanga leh bialtu corporator Chuauzikpuii te, Zonuam LC leh Ainawn Veng LC hotute an tel a ni.