Rûlin Thenzawl pa chuk hlum

C Thangngaia (63), Thenzawl Vengthlang chu rûltuha-in a chuk avangin October 10, 2025 zing dar 1 khan Zoram Medical College and Hospital-ah a thi.

Thu dawn danin, C Thangngaia hi October 4, 2025 khan leilet a sâmnaah a kutah rûltuha-in a chuk a, Thenzawl damdawi-in a pan nghal a, thawktute'n damdawiin an chiu a, inah hawin, harsatna lian tham a nei zui lo.

C Thangngaia hian October 8 zan aṭangin a taksa ná a ti a, a thaw a hah bawk a, Thenzawla AYUSH Hospital panpui a ni. October 9, Ningani zing dar 2 velah ZMCH panpui niin, ICU-ah enkawl a ni a, October 10, 2025, rulin a chuk aṭanga ni ruknaah a thi a ni.