MP hoin Aizawl DISHA ṭhukhawm

Lok Sabha MP Richard Vanlalhmangaiha kaihhruaiin nimin khan Planning conference hall-ah Aizawl District Development Coordination & Monitoring Committee (DISHA) an ṭhukhawm.

Ṭhutkhawmah hian April - September, 2025 chhunga Aizawl district-a sorkar department hrang hrang hnuaia centrally sponsored scheme (CSS) hmalaknate thlirho niin, chak zawka CSS kalpui dan tur leh department hrang hrang inkara thawhhona ṭha zawk neih dan turte an sawiho a; Aizawl district-a CCS khawih department 27 hotuten an hmalak dan leh hmachhawpte an tarlang a ni.

DISHA meeting-ah hian minister pahnih - Lalthansanga leh Dr Vanlalthlana bakah, MLA pahnih - TBC Lalvenchhunga leh Baryl Vanneihsangi te an tel a; rawtna an neihte sawiin, department hotute chu hriatchian duh an neihte an zawt bawk.