Central YMA CEC an ṭhukhawm

Nimin khan Central YMA committee room-ah Central Executive Committee (CEC) meeting neih a ni a, CYMA president Lalhmachhuana'n a kaihruai. Tun term kal mek (2023-25) chhunga CEC meeting hnuhnung ber tur a ni.

Meeting-ah hian YMA Inkhawmpui Lian vawi 75-na, October 21-23, 2025 chhunga Chengkawlawn Rûn, Sakawrdai a neih tura hun hman dan tur (programme) pawm fel a ni a; inkhawmpui lianah hian chief minister Lalduhoma chu khuallian a ni ang.

CEC meeting ṭan hma hian, CYMA-in ruihhlo dona atana a mamawh motor (Ecco Van) an lei thar chu CEC Lalbiakzuala'n khuh hawngin, Pathian hnena a hlan a ni.