Secretary-ten Lunglei an tlawh

GAD secretary Sudhir Kumar leh Vigilance secretary Dr YLN Reddy-te chuan October 11-13, 2025 chhung khan Lunglei an tlawh. Lunglei district bawrhsap Navneet Mann leh sorkar hotu dangte'n lo dawngsawngin, Lunglei district-a sorkar hmalakna hrang hrang kalpui dan an thlirho.

GAD Secretary leh Vigilance Secretary-te hian Tlawng Reserved Forest huam chhunga LAD enkawl Lunglei District Park leh Tlawng Riverine Reserved Forest huam chhunga Zobawk Mini Sport Complex-te tlawhin an enfiah a; nimin khan Lungleia Forest Office leh Nursery te, Wood-based Industry leh Horticulture Farm-te an tlawh bawk.