Lehkhabu Pho Rûnpui neih mek a ni; Tlawh turin MWA-in mipui an sáwm

Vanapa Hall-ah Mizoram Writers Association (MWA)-in Lehkhabu Pho Rûnpui an buatsaih mek a, ni li chhungin Rs 5,86,323 man lehkhabu hralh a ni. Lehkhabu Pho Rûnpui hi zanin dar 9 thleng neih a ni dawn a, MWA chuan tlawh turin mi tin an sáwm.

Lehkhabu Pho Rûnpui hi October 9, 2025 khan minister K Sapdanga'n a hawng a, ziakmi 124-te kutchhuak lehkhabu hrang hrang tlâwm zawka lei theih turin pho chhuah a ni a, zanin dar 9-ah tihtawp a ni dawn.

MWA hruaitute sawi danin, October 9 aṭanga ni li chhungin Rs 5,86,323 man lehkhabu chi hrang hrang hralh a ni a; October 9-ah Rs 1,69,588 man, October 10-ah 1,73,755 man, October 11-ah Rs 1,35,650 man leh October 13-ah Rs 1,07,330 man hralh a ni. October 14 leh nimina hralh zat erawh hriat chian a la ni lo.

Lehkhabu Pho Rûnpui hi mipuiin an hlut hle tih sawiin MWA hruaitute chuan, vawiin chauh hun a awm tawh avangin vawiin/zaninah tlawh ngei turin mipui an sáwm a ni.