Vanlalsailova'n nomination a thehlut

Dampa assembly constituency by-election neih tura ZPM candidate Vanlalsailova chuan nimin khan Returning Officer hnenah nomination paper a thehlut.

Vanlalsailova hian nimin chawhnu dar 2:20 khan Dampa by-election atana returning officer (RO) Malsawmzuala hnenah nomination paper-te a thehlut a, thutiam a chham nghal. ZPM general secretary R Malsawmtluanga leh Vanlalsiama Pachuau, secretary H Zorempuia leh ZPM hruaitu dangte'n an ṭawiawm a ni.

Tluang taka nomination a thehlut thei chu lawmawm a tih thu sawiin Vanlalsailova chuan, theihtawp chhuaha a campaign chhunzawm tur thu sawiin, amah vote vek turin Dampa bial mipui a sáwm a; inthlan buaipuitu Election official-te leh ZPM party aṭanga ṭawiawmtute chungah a lawm thu a sawi bawk.

Dampa by-election neih turah hian Vanlalsailova chiahin hming a la pe lut a; chuh tumte tan October 21, 2025 thleng hming pek luh hun theih a ni.