Mitdelte ṭanpui ṭhin turin ngen

Mizoram Blind Society (MBS) chuan thuchhuah siamin, mitdel tiang vár hman ṭan ni, International White Cane Day - October 15 pualin Mizoram mipui leh sorkar hruaitute duhsakna chibai an bûk tih an tarlang a; mitdelte hmangaihna leh hriatthiamna nena ṭanpui ṭhin turin mipui an ngen.

MBS chuan, kumina White Cane Day thupui chu, 'Vision Beyond Sight: Celebrating Independence, Resilience, and Achievements of the Blind' tih a nih thu sawiin, lirthei khalhtute chu mitdel tiang hawla khawlaia kalte dimdawi thiam turin an ngen a, "Mitdelte zalên leh thlamuang taka khawlaia an veivah theih nan hmangaihna leh hriatthiamna nena ṭanpui ṭhin turin Zoram mipui, sorkar, kohhran leh khawtlang hruaitute kan ngen a ni," an ti.