Dan anga puan tah dan tur inzirtir

Commerce and Industries depart-ment chuan October 14, Thawhlehni khan IPR Auditorium-ah Mizo puan zinga geographical indication (GI) tag nei tawhte tah dan tur te, zawrh dan tur leh enkawl dan turte inhrilhfiahna an buatsaih a; CI director H Lianzela'n a hmanpui.

Mizo puan zinga GI tag nei tawhte chu - puanchei (GI no. 583), tawlhlohpuan (GI no. 582), pawndum (GI no. 586), ngotekherh (GI no. 585) leh hmàrám (GI no. 588) te a ni.

IPR Auditorium-a hun hmanah hian Mizo puan pangate dan ang taka tah theihna tura inziah luhna 'User Authorisation Camp for GI Handloom Products of Mizoram' buatsaih nghal a ni. User Authorisation Camp hi nimin khan Zuangtuiah tih leh a ni a; October 24-ah Thenzawlah leh October 25-ah Kanghmun South-ah tih leh tum a ni bawk.