MLA-te pualin AI zirhona buatsaih

Nimin khan Assembly conference hall-ah MLA-te tan artificial intelligence (AI) chungchang zirhona, ‘Empowering Mizoram Legislative Assembly with AI: Training on Arti-ficial Intelligence for the Members of Mizoram Legislative Assembly’ buat-saih ṭan a ni a, Assembly speaker Lalbiakzama'n a hawng.

Training hi Assembly Speaker leh Chief Minister te hmalaknaa LushAITech nena ṭang duna buatsaih a ni a, vawiinah chhunzawm a ni ang. Nimina a hawnna inkhawm hi Assembly additional secretary Lal-thangmawia'n a kaihruai a; LushAITech aṭanga resource person Lawmna Kima, Lalremruat Kima leh Robert Lalramhluna ten AI chungchang an an zirtir a ni.

Speaker Lalbiakzama chuan, thiamna leh theihna sang zelah technology hman nasat a ngai deuh deuh dawn tih sawiin, "Ram hruaitute tan thiamna thar, AI hman dan hriat a pawimawh avangin he hun hi buatsaih a ni a, AI hi a bulṭhut aṭanga thiam a pawimawh," a ti.