Kawnpui-Mualkhang inkara lirthei tlân dan tur tichhuak

Kolasib SP David H Lalthangliana chuan thupek chhuahin, Kawnpui leh Mualkhang inkara lirthei chet vel dan turah thupek a chhuah a; thupek zâwm lo chu MV Act hmanga hrem an nih tur thu a tarlang.

Thupek hi Kawnpui-Mualkhang inkar kawng chak zawka kawng siam a nih theihna tura chhuah a ni a, October 14, 2025 aṭanga thuchhuak thar a awm hma zawng hman tur a ni. Harsatna nei tan Kawnpui Police Station OC phone number 9366352665-ah biak theih reng a ni.

LIRTHEI TLAN DAN TUR RUAHMANNA
* Aizawl lam pan tur lirthei, MMV leh HMV te chu Kawnpui leh Sairang pêng inkarah leh Seṭhawnah tihdin an ni ang a, tlai dar 5 leh zan dar 11 inkarah chhuahtir an ni ang.
* Seṭhawna lirthei tihdinte chu Kawnpui police-te'n ruahmanna an siam angin a tahtawlin lirthei tête kaltir a ni ang.
* Aizawl aṭanga Kolasib lam pan turte chu Mualkhangah tihdin an ni ang a, zanlai dar 12 aṭanga zing dar 6 inkarah chhuahtir an ni ang.