MP hoin central scheme-a hmalakna thlir

Khawzawl District Deve-lopment Coordination and Monitoring Committee (DISHA) chu chairman Richard Vanlalhmangaiha, Lok Sabha MP kaihhruaiin nimin khan an ṭhukhawm a; centrally spon-sored scheme hnuaia hma-laknate an thlirho.

Richard Vanlalhmangaiha chuan, India ram hmasawn nan district hrang hrangah MP-te hoin scheme hrang hranga hmalaknate DISHA-in an endik ṭhin tih a sawi a, "Sorkar laipui scheme-te hi mipui chawikan nan leh ram hmasawn nan a pawimawh hle a, scheme kalpuitu department-te'n theihtawp an chhuah ṭheuh a pawimawh," a ti.

Ṭhutkhawmah hian Khawzawl SDO (Sadar) Suvigya S Chandra-a'n Rural Deve-lopment, PWD, Agiculture & Farmers' Welfare, Horticulture, LAD, UDPA, Irrigation & Water Resources, Animal Husbandry & Dairying, Women & Child Development, Health & Family Welfare, PHE, Education, FCSCA, Fisheries leh Power & Electricity department te, Lead Bank, BBNL leh KVK hnuaia scheme leh prog-ramme kalpui mekte a sawifiah.

DISHA hi sorkar laipui hmalakna viltu committee a nih bakah, department hrang hrangte inkarah thawhhona ṭha siam a, scheme a hlawhtlin theihna tura thawhho dan kawng ṭha zawk siam tura din a ni a; nimina Khawzawla ṭhutukhawmah hian Khawzawl bawrhsap leh DISHA member secretary K Vanlalṭhiana, DISHA member te, sorkar department hotu te, VC member-te leh khawtlang hruaitute an tel.