Hmeichhe naupang himna zirho

Aizawl District Child Protection Unit chuan nimin khan Sesawng VC-I community hall-ah Beti Bachao Beti Padhao (BBBP) Campaign on Digital Literacy & Cyber Security Safeguarding the Girl Child under the POCSO Act, 2012 chungchang zirhona an buatsaih a; Sesawng khuaa sikul tin aiawhte leh nu leh pate an tel.

BBBP chungchang zirhonaah hian Aizawl DCPU Child Helpline coordinator Vanlal-chhungi'n POCSO Act leh a kaihhnawih chungchang a zirtir a; Child Helpline supervisor Lalsawmliana'n video kaltlangin nu leh pate'n social media laka naupangte dikna chanvo an humhalhsak dan tur inkaihhruaina a hrilhfiah.

District child protection officer R Lalrinchhani chuan, naupang enkawl, venhim leh an dikna chanvo humhalh chu mi tin mawh-phurhna a nih thu a sawi a, "Naupangte himna atan sorkar mai ni lo, nu leh pa, chhungkua leh khawtlang, zirtirtu leh kohhran kan ṭan tlan a pawimawh a, kan ṭan tlan ṭhat chuan kan rama naupang chunga hleilenna leh pawi-khawihna hluar lutuk hi a ziaawm thei ang," a ti.

R Lalrinchhani chuan, tuna naupang an en danin an nakkin hun a hril tih hria a, naupangte dikna chanvo hriatsak leh humhalhsak kawngah ṭan la lehzual turin kal khawmte a chah a; naupang ṭanpui ngaite tan engtik lai pawhin Child Helpine number 1098-ah a thlawnin biak theih reng a nih thu a sawi.