Sawhthing leina sum chingpen nia sawi chhui turin ACB-ah FIR thehlut

Sawhthing leina sum vbc 4/5 vel a chingpen nia sawi chungchangah Vanramchhuangi chuan nimin khan Anti Corrup-tion Bureau (ACB)-ah first information report (FIR) a thehlut a; sum chingpen nia sawi chhui turin a ngen.

Vanramchhuangi chuan, kumin October ni 10 leh ni 11-ah chanchinbu leh social media-ah sawhthing leina sum vbc. 4/5 vel a chingpen thu Agriculture Minister-in a sawi tih tarlan a nih thu a ziak a, "Agriculture Minister sawi aṭang hian sawhthing leina sum vbc 4/5 vel chingpen a awm ngei tih a chiang a... Ram dang Burma sawhthing la lut a, tualchhung thar anga sorkarin Mizorama kut hnathawktute sawhthing thar a leisak zinga hralh tura lo commission an awm tih pawh a sawi chiang bawk," a ti.

Sawhthing leinaa sum chingpen nia Minister-in a sawi chu dan anga chhui turin Vanramchhuangi chuan ACB a ngen a ni.