Diwali laiin hâlpuah khuahkhirh

Aizawl District Magistrate chuan thupek chhuahin, October 20, 2025-a Diwali lo thleng tur behchhanin hâlpuah leh hâlmawi khuahkhirh a nih thu October 14, 2025 khan a tarlang.

District Magistrate chuan, Diwali a thleng leh dawn ta tih tarlangin, "Festival of Light a nih angin hâlpuah leh hâlmawite hâl ṭhin a ni. Amaherawhchu, hâlpuah leh hâlmawite hian nasa takin boruak a tihbawlhhlawh bâkah, bengchheng a siam a, lung lama harsatna neite tan nun tiralṭitu niin, damlo leh upa lam tan thâwk lamah harsatna a thlen thei a ni," a ti.

Aizawl District Ma-gistrate chuan BNSS 2023 Section 163 tlawhchhanin Aizawl district-ah halpuah, halmawi leh a kaihhnawih lak luh, zawrh, kawl leh hâl a khap. Khuakhirhna thupek hian thla hnih a huam dawn a, thupek bawhchhiate chu BNS 2023 Section 223 hmanga hrem theih a ni.