Wall of Democracy lawmman sem

Lunglei District Election Office chuan Lunglei district-a zirna-in hrang hranga Electoral Literacy Club (ELC)-te tana mipui rorelna ram nihphung tarlanna leh inzirtirna bang, 'Wall of Democracy' insiamsiak a buatsaiha ti ṭhate hnenah lawmman an sem.

Election officer Lalhruaitluangi tarlan danin, Lunglei district-a zirna-in 46 (high school 35, higher secondary school 7 leh college & higher institution pali)-ah ELC din a ni a; Wall of Democracy Competition-ah zirna-in 17 telin, high school 12, HSS pahnih leh college pathum an ni.

Intihsiakah hian Thingfal HSS (Samagra) chu pakhatna an ni a, J Buana College chu pahnihna niin, pathumna chu Higher and Technical Institute Mizoram (HATIM) an ni.

Lunglei DEO leh bawrhsap Navneet Mann chuan, Wall of Democracy siamnaa zirlaite'n ngaihtuahna leh tha an seng chu lawmawm a tih thu leh an hlâwkpui ngei a beisei thu a sawi a; lawmmante a hlan.