INC leh MNF candidate-te'n hming an pe lut

November 11, 2025-a Dampa assembly constituency-a by-election neih tur chuh turin Indian National Congress (INC) candidate John Rotluangliana leh Mizo National Front (MNF) candidate Dr R Lalthangliana ten October 18, Inrinni khan nomination an thehlut.

Dr R Lalthangliana leh John Rotluang-liana te hian Dampa by-election atana returning officer Malsawmzuala hnenah nomination paper-te an thehluh a; heti hian BJP, INC, MNF leh ZPM party-in an candidate atana an puante'n RO hnenah hming an pe lut tawh a ni.

Dampa by-election neih turah hian October 21, 2025 (Thawhlehni) thleng hming pek luh theih a ni a; nomination paper-te chu October 22-ah endik a ni ang a, inhnûkdâwk duh tan October 24, 2025 thleng hun hawn a ni ang.