KHAWTHLIR

Thisen pe

October 18, Inrinni khan KṬP, Chhiahtlang Pastor Bial-in ZMCH tan thisen unit 75 an pe a, petute mipa 47 leh hmeichhia 28 an ni a; KṬP, Dawrpui Vengthar West Branch pawhin Synod Hospital tan unit 19 an pe a, petute mipa 18 leh hmeichhia pakhat an ni. ECM KTP Hqrs hmalaknain Tisi bialin Tisi Opi-ah Siaha District Hospital tan unit 31 n pe a, petute mipa 29 leh hmeichhia pahnih an ni. ṬKP, Lunglei Kikawn Unit member mipa 22 leh hmeichhia pakhatte'n Lunglei Civil Hospital tan unit 23 an pe bawk.

Rs 10,11,733 man lehkhabu hralh

Mizo Writers Association-in October 9-16, 2025 chhunga Vanapa Hall-a Lehkhabu Pho Rûnpui vawi 5-na an buatsaihah Rs 10,11,733 man lehkhabu hralh a ni. Ni tina lehkhabu hralh dan chu - October 9-ah Rs 1,69,588 man, October 10-ah Rs 1,73,755 man, October 11-ah Rs 1,35,650 man, October 13-ah Rs 1,07,330 man, October 14-ah Rs 84,935 man, October 15-ah Rs 1,19,205 man leh October 16-ah Rs 2,21,270 man a ni.

Missison Veng Inpui sak hna ṭan

Misssion Veng DYO Hall chu ṭhiah a ni a, a hmunah hian UDPA department hnuaiah SASCI aṭanga hmuh cheng vbc 10 sêngin Mission Veng Inpui sak a ni dawn. Inpui sak nan hian Inrinni khan YMA Mission Veng Branch president Prof. Zodinpuia chuan a lungphùm a phúm a, hna thawh ṭan nghal a ni.

Children Science Congress buatsaih

STAM leh Samagra Shiksha chuan October 17, 2025 khan Khawzawl Zaingen YMA Hall-ah Khawzawl District Children Science Congress an buatsaih a a, project 18 a lut. Project hmangin zirlaite an inel a; junior category-ah H Lalhmingmawii & Ricky K Lalmuanzuala, Khawzawl Vengthar M/S-II pakhatna niin, senior category-ah Lalramdinfela & HC Lawmsangzuala, Khawzawl Vengthar PES pakhatna an ni.