KAWNG DAN TITAWP

 Aizawl leh Mamit kawngpui chhe zual laite chu thawm ṭhat mek zel a ni a, NGO-te leh lirthei neitu pawlte'n October 16, 2025 aṭanga kawng an dan pawh nimin khan an titawp. Mamit SP Manny Bhushan Singh chuan Dapchhuah leh Mamit inkar kawng (NH-44A/108) chu PWD-in chak zawka siam an tum avangin lirthei tlan dan tur a tichhuak a; thupek hian October 20-22, 2025 chhung a huam ang. Dapchhuah leh Mamit inkar kawngah hian zing dar 8 leh tlai dar 5 inkarah kawng khâr a ni dawn a, LMV chin hnuai lamte chu Dampui-Dapchhuah inkar kawng hlui lamah tlan tura tih an ni.