Dampa by-election atana hming pe mi pangate pawm vek

November 11, 2025-a Dampa biala MLA by-election neih tura candidate ni tura hming pek luh hun October 21, 2025 khan a tawp a, mi pangain hming an pe lut. Nomination paper-te nimin khan endik niin, pawm vek a ni.

Dampa by-election atana returning officer chu Malsawmzuala a ni a, ani hnenah hian chuh tumte'n hming an pe lut. Nomination thehluttute chu - John Rotluangliana (Indian National Congress), Lalhmingthanga (Bharatiya Janata Party), Dr R Lalthangliana (Mizo National Front), Vanlalsailova (Zoram Peoples' Movement) leh K Zahmingthanga (Mizoram Peoples Conference) te an ni.

Election Commission of India ruahman lâwk angin mi pangate nomination paper-te chu nimin khan endik a ni a, pawm vek a ni. Hming pe lut tawh, inhnûkdâwk duhte tan October 24, 2025 thleng hun hawn a ni ang.