Sikulte hnena sem tur tuizem vailiam

Kum 2024-a Cyclone Remal-in a tihchhiat district hrang hranga sikulte chhawmdawlna tur tuizem 133 chu sikulte hnena sem turin nimin zing khan Assembly speaker Lalbiakzama'n Vanapa Hall kawt aṭangin tuizem phurtu lirthei 10 a vailiam.

Lalbiakzama chuan, Cyclone Remal-in a tihchhiat hmun hla tak taka sikulte'n School Education department ruahmannaa tuizem an dawng tur chu a lawmpui thu a sawi a, "Sikulte tan hian tui dah khawlna ṭha neih a pawimawh a, tuizem dawngtu sikulte'n an chhawr ṭangkai hle dawn a ni," a ti.

School Education director Angela Zothan-puii chuan, Cyclone Remal tuartu tui dah khawlna nei lo sikulte tana tuizem sem tur chu SASCI sum aṭanga lei a nih thu a sawi.

Angela Zothanpuii sawi danin, School Education department-in sikulte tana tuizem sem tur a ruahman chu 152 a ni a, Mamit district tana ruahman 19 chu Dampa by-election zawhah sem a ni ang.

Mamit district tih loh district danga sem turte chu Aizawl district tan 16, Lunglei district tan 39, Siaha district tan 12, Champhai district an pahnih, Kolasib district tan 59, Serchhip district tan pakhat, Saitual district tan pakhat leh Hnahthial district tan pathum a ni.