Mathematics-a inelna buatsaih

Mizoram Mathematics Society (MMS) chuan Mizoram Science, Technology and Innovation Council (MISTIC) nena ṭang dunin November 30, Inrinni khan Mizoram khaw hrang hrang pariatah Mathematics competition vawi 11-na an buatsaih a, zirlai ṭhahnem tak an tel.

Mathematics competition hi Aizawl, Lunglei, Champhai, Serchhip, Mamit, Kolasib, Siaha leh Saitualahte neih a ni a; exam tura hming pe chu Aizawl centre-ah 1,717, Lungleiah 578, Champhaiah 243, Serchhipah 228, Mamitah 28, Kolasib-ah 119, Siaha 42 leh Saitualah mi 327 niin, an vaiin mi 3,182 an ni. Exam hmachhawntu erawh chu class V zirlai 973, class VIII zirlai 929, class X zirlai 984 leh class XII zirlai 306 an ni.

He intihsiakna hi Mizo zirlaite'n Mathematics an hlauhna tihbona a nih theih beiseia buatsaih ṭhin niin, kum 2007-ah ṭan a ni a; exam hmachhawntu zirlai kum tin an pung a ni.