LMC property tax hun tiam chhunga pe turin hriattir

Lunglei Municipal Council secretary Zoramdini chuan Lunglei khawpuia property tax 2024-25 khawn mek chu November 15, 2025-ah khâr a ni dawn thu leh, hun tiam chhunga pe lote chu an pek tur zat aṭanga 10% an chàwi belh a ngaih dawn thu a tarlang.

LMC Secretary chuan, property tax 2024-25 khawn mek chu hun tiam ral hma ngeia pe turin mipui a chah a, "Property tax assessment lak hmaih kan awm chuan November 15, 2025 ral hma ngeiin mahni awmna local council-ah inhriattir vek tur a ni," a ti a; inhriattir lote chu hriat chhuah an nih hunah kum 2024 aṭanga an chhiah chawi tur bá (arrear) nen an chawi leh vek dawn tih a tarlang a ni.