GST 2.0 chungchang zirho

Mizoram Commerce Association (MCA) leh Taxation department chuan nimin khan ATI Auditorium-ah Workshop on GST 2.0 an buatsaih a; Taxation chungchanga Finance enkawltu Chief Minister puitu minister Dr Vanlalthlana'n a hmanpui.

Dr Vanlalthlana, GST Council member ni bawk chuan, tun hnaia GST dan thar lo chhuah dan leh national level-a rorel dante a sawifiah a; Mizoram Commerce Association-in GST chungchang inhrilhfiahna hun an buaipui chu lawmawm a tih thu sawiin, hun lo kal zel turah hma la zel turin a chah.

State Tax commisioner HK Lalhawngliana'n GST chungchang leh GST 2.0 hnuaia thil inthlakthleng dan leh kalhmang a sawifiah a; Prof. NVR Jyoti Kumar, Mizoram University-in thu a sawi bawk. Chawhnuah sawihona hun hman a ni.